ياجروحي

ياجروحي وش بقالي غيرك انتي و الأماني
خاب ظني في الليالي والظنون أكبر خطيه


القلوب احيان تخطي بس جرحه شي ثاني
انتزع مني السعادة بين روحة وبين جية


هو خطاه اللي افترشني وضيًق ضلوع المحاني
ولا أنا اللي افترشته واحتضنته بين ايديه


حتى جرحه منه غالي لعنبو عشقآ بلاني
مادرى اني عند ابويا ميزتي اغلى بنيه


وش حصيلي يوم قفت دنيته وهو الأناني
الا والله هو حصيلي دفترآ وأقلام حية


مافزعلي من قصيدي غير جزلات المعاني
وافترق شمل الحروف لامعاي ولا عليه


وجيت ألملم من خيالي كلمتينٍ في ثواني
ودي اكون اسرع من اللي يكتبه عمره ضحية


وين أودي عالمي من جهاتي ومن زماني
كل هذا الكون فيني اختلط شمسه وفيه



بين ليلٍ مبتليني وبين فجرآ مايباني
وبين صوتآ جره اقوى من لحون السامرية


ليه طعته هالشعور اللي غصب عني عصاني
ليه طعته يوم كل الناس في عيني سويه


ليه عن اغلى طموحي لاتركني ولاخذاني
انام الليل بطلوعه واعيش احلام وردية


ياجروحي وش بقالي غيرك انتي والأماني
خاب ظني في الليالي والظنون اكبر خطية