تتطابق الحالات وتختلف القرارات حسب اختلاف الالوان + عضة جديدة (( صور - فيديو

السلام عليكم

تذكرون عضة لاعب نجران مبروك عبدالله للاعب الهلال ليلو ؟



لتحميل عضة لاعب نجران للاعب ليلو وردة فعله بالفيديو اضغط هنا


طبعا القرار اللي صدر هو ايقاف العاضض والمعضوض لمباراتين لكل منهما طبعا بدون تحديد المسابقة اللي يوقف فيها عشان يصير الايقاف 6 مباريات في اكثر من مسابقة بدل مباراتين وبالتالي يغيب عن مباراة النصر وهذا هو المهم على الرغم ان الايقاف كان في الدوري !!

ليلو تم ايقافه لانه لكم لاعب نجران على وجهه نتيجة ردة فعل فسيلوجية .. ونفس القرار صدر بحق كيتا لما لكم مسئول الجهاز الطبي في الهلال على وجهه بتصرف تلقائي منه .. ولكن الفرق ان ليلو اخذ حقه كامل من الايقاف ولكن كيتا جاه العفو بعد ايقافه لـ مباراة واحدة فقط ... شفتو العدل كيف ؟؟


اللي ناسي لقطة كيتا ويبغى يشوفها ثاني مرة ويتأكد هذا الرابط



لتحميل لكمة كيتا للمسئول الهلالي اثناء المباراة بالفيديو اضغط هنا



طيب الحين انتهينا من سالفة عضة ليلو ولكمة كيتا على وجه عاطف طبعا مع تطابق الحالات الا ان القرارات كانت مختلفة احد يقدر ينكر هالشيء ؟؟


نجي الحين لـ عضة جديدة محد تطرق لها من بعيد او قريب وحصلت في كأس الملك للابطال في مباراة الشباب والاهلي اللي انتهت بفوز الشباب 6-1

طبعا اللقطة واضحة جدا وكانت عض من لاعب الشباب ناصر الشمراني للاعب الاهلي ابراهيم هزازي وبالتأكيد لجنة الانضباط كانوا مشغولين بموضوع انسحاب الاهلي وخسارته بالستة ويمكن كانوا معزومين في زواج ومشغولين بالتجهيز له وما انتبهو للقطة



لتحميل عضة ناصر الشمراني للاعب الاهلي بالفيديو اضغط هنا


مباريات الهلال تصدر قرارتها بشكل عاجل خلال 10 ساعات بينما عضة الشمراني يمر عليها 10 أيام بدون حس أو خبر

ماراح اتطرق لتطابق حالات كثير واختلاف قرارات لجنة الانضباط لأنها واضحة وضوح الشمس لكل شخص يحكم ضميره وعقله وربي فاتح على قلبه .. اما اللجنة الظالمة ومسئوليها فلا ننتظر منهم عدل ولا انصاف لأن حقنا بناخذه من رب عادل يمهل ولا يهمل ...