محمد محمد طيب و أحساس

من طرف **الصارم** السبت أبريل 19, 2008 11:45 pm

محمد محمد طيب و أحساس
ذيب ذيب ويشهد الناس
مهما مدحت فيك يا نبراس
أنتي الأول الأول والأساس
اجمع شتاتك ياس بياس
يقلب يقلب معرفة له قياس
ورد(ن) تشمه دايم بلا نفاس
اقلب الموجه وعذروني ياناس
وعند العرب الفعايل نوماس
قم ................قم وجب الناس
وشب النار لنا يا محماس
ووزن البن و الهيل بقياس
دلاله تفح بهارها طارد الإنعاس
وهيله يقطف وتشمه بالنفاس
وسوقها سوق لرجا جيل والجلاس
كريم الريم يا قيام الساس
جود الكرم ما شقاه الإفلاس
وماكل راكب الخيل فراس
وماكل سباح بالبحر غطاس
يا محماس هموم هموم وهوجاس
سوس الهوا سوس الكاس
يدخل الهجوس بكل مقياس
وبعض العرب ذهب ولماس
وبعض العرب مثل الخناس
يهرج ويدرج عند ناس وناس
وهرجه كله هلاس بهلاس
والعود الأخضر صار يباس
يامحماس الطيب طيب بالأساس
وخر قولي لك يا محماس
احذ الفاس لا يطيح براس

صح لسانك ولا هنت
اسمح لي ان اهدي لك هالابيات وهي ليست من كلماتي
لكن تستحقها وزود

مني سلام لك تزخرفه الاقواس ***وفنجال اشقر يقعد الراس هيله
لاياعسى مايلحقك شر وباس***يامرتكي لكل الحمول الثقيله
فالمرجله متصدردرع وكاس***وكل مرقب متعلي تعتليله
يامهندس متهندس به تهنداس***صارم......يسوى قبيله
صارم يا ابو جميل يا طيب الساس***شرواك اصيل من اصول اصيله
شروا اللي مثلك قاصر دونه الفاس***براس الردي وقع وشب الفتيله
للطيب دايم وضع حاله تنكاس***ياعزي لحاله وياعزتيله
بدرب المراجل معلن سهمه افلاس***ولاينفع المحتال فكر وحيله
الحي ماهو بحي لو مابه احساس ***وبعض الشمغ ودك يبدل بشيله